Gaixotasun kardiobaskularren Prebentzioa | Lehenengoa, prebenitzea | IMQ

Gaixotasun kardiobaskularrek heriotza-kausa nagusietako bat izaten jarraitzen dute, eta eragin itzela dute biztanleengan. Euskadin, 10 heriotzatatik ia 3 ( % 27,48) gaixotasun kardiobaskularren ondorioz gertatzen dira, eta emakumeen artean % 29,60 ingurukoa da hilkortasun-tasa. Estatuan, berriz, gutxi gora behera hiru heriotzatatik bat patologia horiekin lotuta dago; horrek esan nahi du 65 aldiz heriotza gehiago gertatzen direla horien ondorioz trafiko-istripuen ondorioz baino.

Ez dago beti ohartarazten duen sintomarik, baina heriotza horietako asko ekidin daitezke bizimodu osasungarria izanda eta prebentzioari arreta jarrita. Horregatik, IMQ-k prebentzio kardiobaskularreko proiektu biribila bultzatu du, hezkuntzan, detekzio goiztiarrean eta etengabeko laguntzan oinarrituta. Zure bihotza zaintzeko arriskuak identifikatzen eta murrizten laguntzea da helburua, bizi-ohitura osasungarriak sustatuz eta sintomak agertu aurretik pausoa ematera animatuz.

01 Zaindu elikadura

Lehenetsi frutak, barazkiak, lekaleak, irin osoko zerealak eta proteinak dituen askotariko jan-neurria. Murriztu gantz aseak, azukre erantsiak eta gatza zure bihotza zaintzeko.
02 Mugitu egun oro

Egin gutxienez astean 150 minutuko jarduera fisiko moderatua, hala nola pauso arinean ibiltzea, igeri egitea edo bizikletaz ibiltzea. Aktibo egoteak arteria-tentsioa kontrolatzen eta osasun kardiobasularra hobetzen laguntzen du.
03 Eduki pisu osasungarria

Saia zaitez zure pisua zure altuerarako egokia den tarte batean egon dadin. Gainpisuak eta obesitateak areagotu egiten dute gaixotasun kardiobaskularrak izateko arriskua.
04 Utzi tabakoa erretzeari

Erretzen baduzu, eskatu laguntza lehenbailehen uzteko. Tabakoaren kontsumoak arteriak kaltetzen ditu eta infartua eta bihotzeko beste gaixotasun batzuk izateko arriskua areagotzen du.
05 Moteldu alkoholaren kontsumoa

Alkohola edaten baduzu, egin neurrian eta osasun-gomendioei jarraituz. Gehiegizko kontsumoak arteria-presioa igo eta bihotzeko arazoak eragin ditzake.
06 Hidratatu egoki

Edan ura aldizka egunean zehar, zure organismoak ondo funtziona dezan. Egoki hidratatzeak osasunaren oreka orokorrari laguntzen dio, baita kardiobaskularrari ere.
07 Kudeatu estresa

Txertatu zure errutinan erlaxazio-teknikak, hala nola arnasketa sakona, meditazioa, yoga edo ibilaldi lasaiak. Denboran zeharreko estresak ondorioak izango ditu ezinbestean zure bihotzean.
08 Egin osasun-azterketak aldizka

Egin osasun-azterketak arteria-presioa, kolesterola eta glukosa kontrolatzeko. Edozein alterazio garaiz detektatzea funtsezkoa da konplikazio kardiobaskularrak prebenitzeko.
09 Zaindu zure atsedena

Saia zaitez gauero 7 eta 9 ordu artean lo egiten eta ordutegi erregularrak izaten. Lo indarberritzailea funtsezkoa da organismoaren orekarako eta bihotzaren osasunerako.
10 Informa zaitez eta jokatu garaiz

Ezagutu gaixotasun kardiobaskularren alarma-sintomak, hala nola bularreko mina edo estutasuna, arnasa hartzeko zailtasuna edo zorabio biziak. Edozein susmo izanez gero, ez itxaron: eskatu berehala laguntza medikoa.

Kardiologia Unitatea

IMQ-k erreferentziazko Kardiologia Unitatea du, gaixotasun kardiobaskularrak prebentitzen, diagnostikatzen eta tratatzen espezializatua dena. Kardiologoek eta goi-mailako prestakuntza duten osasun-langileek osaturiko talde batek, teknologia aurreratuan oinarrituta, modu koordinatuan lan egiten du zure arriskua baloratzeko, beharrezko probak egiteko eta bizitzaren etapa guztietan zure bihotza zaintzen laguntzeko.

Informazio gehiago

Azterketa medikoak

IMQren Azterketa Unitatea arazoei aurrea hartzeko eta sintomak agertu aurretik zure osasuna zaintzeko sortua da. Aldizkako osasun-azterketa osoen bidez (arteria-presioaren, kolesterolaren eta glukosaren kontrolak barne), gure profesionalek zure arrisku kardiobaskularra baloratzen dute eta, gomendio pertsonalizatuen bidez, orientatzen zaituzte edozein konplikazio garaiz prebenitzeko.

Informazio gehiago

Bihotzeko errehabilitazioa

IMQ-k zure eskura jartzen du bihotzeko errehabilitaziorako programa biribila, berriki diagnostiko kardiologikoa jaso duten pertsonei zuzendua. Zerbitzu horrek, sozietate zientifiko nagusiek bermatutakoak, heriotza-tasa eta infartuen errekurrentzia murrizten laguntzen du, eta, gainera, bizi-kalitatea hobetzen. Plan pertsonalizatu eta diziplina anitzeko baten bidez, gure espezialistek lagunduko dizute zure patologia hobeto uler dezazun, zure errekuperazioan aktiboki inplikatu zaitezen eta zure bihotza eta ongizatea sendotzen dituzten bizi-ohitura osasungarriak izan ditzazun.

Informazio gehiago

Gida Medikoa

IMQren Gida Medikoak aukera ematen dizu 1.600 profesional baino gehiago eta Euskadiko osasun-zentro propioen sare ugariena azkar eta erraz aurkitzeko. Tresna horren bidez, espezialitatearen, medikuaren edo zentroaren arabera bila dezakezu, eta une bakoitzean zure beharretara ondoen egokitzen den mediku-taldea eskuratu.

Informazio gehiago

Zure IMQ Asegurua

Zure IMQ aseguruarekin, mediku-talde ugariena eta zentro eta zerbitzu sare zabala eskura ditzakezu zure bihotza eta osasuna egunerokoan zaintzeko.

Informazio gehiago

Berehalako bideokontsulta

Zure medikua, beti gertu. Eskuratu denbora errealean Medikuntza Orokorreko edo Pediatriako profesional bat, itxaron gabe eta zauden lekutik. Jaso arreta pertsonalizatua, txosten medikoa eta errezeta elektronikoa bideokontsulta amaitzean.

Informazio gehiago

medicion-cardiologia